தமிழினத்தின் எச்சம் நீங்கள் – புத்தக திருவிழாவில் வைரமுத்து பேச்சு (காணொளியுடன்)

நேற்று 34வது சென்னை புத்தக கண்காட்சிக்கு சென்றிருந்தேன். வைரமுத்துவின் பேச்சை நேரில் கேட்கவே நேற்று சென்றேன். அதனால் புத்தக அரங்கில் சரியாக சுற்ற இயலவில்லை. இருந்தும் மனநிறைவாக வீடு திரும்பினேன். அந்த அனுபவம் பற்றிய இடுகை இது,.

நக்கீரன் உரை –
உரை அரங்கத்தில் நக்கீரன் கோபால் தலைமை தாங்கி பேசினார். அவருடைய பேச்சில் தடுமற்றங்கள் நிறைய இருந்தது. பிரதமரை வரவேற்காமல் வைரமுத்துவின் ஆயிரம் பாடல்கள் வெளியீட்டு விழாவில் கலந்து கொண்ட கலைஞரை பாராட்டினார். நகர வாழ்க்கையைப் பற்றி ஒரு கதை கூறினார் எல்லோரும் அதை ரசித்தார்கள். ஒரு திருடன் அந்த வீட்டில் எல்லாவற்றையும் திருடிவிட்டான். அப்போது அங்கே கட்டப்பட்டுக் கிடந்த பெண்மணி “எனக்காக ஒரு உதவி செய்யுங்கள். என் வீட்டில் திருடியது போல எதிர் வீட்டிலும் திருடி சென்றுவிடுங்கள். இல்லையென்றால் எப்படி திருடினான், எங்கே அடித்தான் என்றெல்லாம் கேட்டு உயிரை எடுத்துவிடுவார்கள்” என்றாள். அதைக் கேட்ட திருடன் அவளை ஓங்கி ஒரு அரை விட்டுவிட்டு, “நான் எதிரிவீட்டில் தான் திருட வந்தேன். அங்கு திருடிய பின் அவர்கள்தான் இங்கேயும் திருட சொன்னார்கள்.” என்று சொன்னானம்.

ஊரான் அடிகள் உரை –
அடுத்து ஊரான் அடிகள் என்ற வள்ளலார் தொண்டர் சங்க இலக்கிய காட்சியும் கருத்தும் என்பது பற்றி பேசினார். ஏற்கனவே தெரிந்திருந்த இரண்டு சங்க இலக்கிய பாடலுக்கு விளக்கம் அளித்தமையால் அவை என்னை கவரவில்லை. புத்தகம் என்பதற்கு நூல் என்ற பண்டையப் பெயர் எப்படி வந்தது என்று கூறினார். மரத்தினை சரியான அளவில் அறுப்பதற்கு சாயம் பூசிய நூலை இருமுனைகளில் இருந்தும் தட்டி, அந்த நேர் கோட்டில் அறுப்பார்களாலாம். அடுத்து பராய் மரத்தினை வெட்டுவதைக் கடினம் என்றும், அந்த பராய் மரத்தினை கொண்டே திருப்பராய்த்துறை என்ற பெயர் உருவானதாகவும் கூறி வைரமுத்து பேச இடம் தந்தார்.

வைரமுத்துவின் பேச்சு –
தொடக்கத்தில் எல்லோருக்கும் வணக்கம் கூறி மெதுவாக பேச ஆரமித்தார். அதன் பின் வேகம் கூடிக் கொண்டே சென்றது. அவர் தேமதுர தமிழோசை என்ற தலைப்பில் பேசினார். அதில் மூன்று விஷயங்கள் முக்கியமானது.

1. கோபத்திலும் அறத்தினை பேனியவர்கள் நம் தமிழர்கள் என்பதற்கு உதாரணமாக கண்ணகி மதுரை எரித்ததை குறிப்பிட்டது. கண்ணகி அந்தனன், அறவோன், பசு, மழலை என சிலரை தவிற மற்றவர்களை எரிக்க சொன்னதை வியப்பாக குறிப்பிட்டார்.

2. தமிழின் சிறப்பான விஷயமாக பூவிற்கு பெயரிட்டதை கூறினார். அரும்பு, மொட்டு, பூ என பெயரிட்டுவிட்டு விழுகின்ற பூவிற்கும் “வீ” என்று பெயர் இட்டிருக்கின்றார்கள் தமிழர்கள்.

3. என்.எஸ்.கிருஷ்ணனின் வாழ்வில் ஒரு நிகழ்வினை கூறினார். சங்க இலக்கிய பாடல்களில் வரும் சிலேடையை தமிழன் அன்றாட வாழ்வில் பயன்படுத்தியமை நினைவு கூறினார்.

நிறைய பேசினார். உங்கள் குழந்தைகளை இந்த கண்காட்சியில் தவழ விடுங்கள். வருங்கால சந்ததிகள் புத்தகத்தினை தொட்டுப் பார்த்து வளரட்டும் என்றார். இறுதியாக பத்திரிக்கைகள் தமிழில் பிழை இல்லாமல் இருக்க தமிழாசிரியர்களை ஒரு குழுவாக நியமிக்க வேண்டினார். அவருடைய பேச்சில் தலித் அரசியலும், நாத்திகமும் கலந்தே இருந்தது. அதை விட அதிகம் இருந்தது, தமிழை வளர்க்க வேண்டும் என்ற கோரிக்கையே!.

நான்கு பகுதிகளாக அவருடைய பேச்சினை பதிவு செய்தேன். இறுதி பகுதியை இணையத்தில் இணைக்க இயலவில்லை. அதனால் மூன்று பகுதிகளை மட்டும் தருகிறேன். மன்னித்துக் கொள்ளுங்கள்.

3 comments on “தமிழினத்தின் எச்சம் நீங்கள் – புத்தக திருவிழாவில் வைரமுத்து பேச்சு (காணொளியுடன்)

  1. படைப்பாளி சொல்லுகின்றார்:

    அருமை..நன்றி நண்பா..நான் பார்க்காத குறையை போக்கி விட்டீர்கள் …

  2. […] ஜெகதீஸ்வரன் (வைரமுத்து உரை வீடியோவுடன்) –> https://sagotharan.wordpress.com/2011/01/08/%E0%AE%A4%E0%AE%AE%E0%AE%BF%E0%AE%B4%E0%AE%BF%E0%AE%A9%E0… […]

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s