Magadheera (தெலுங்கு படம்)- ஈஸ்வரப் பார்வை

நடிகர்கள் –

நடிகர் சிரஞ்சிவியின் மகன் ராம் சரன் தேஜா நாயகனாகவும், கஜால் அகர்வால் நாயகியாகவும் தெலுங்கு திரைஉலகையே கலக்கியப் படம். இயக்கம் எஸ்.எஸ்.ராஜமௌலி.

ஒரு வரிக் கதை –

முன்ஜென்மத்தில் பிரிந்த காதலர்கள், இந்த ஜென்மத்தில் சேருவதுதான் கதை.

முழுமையானக் கதை –

முதலில் முன்ஜென்மக்கதையைப் பார்த்துவிடுவோம். காலபைரவனும்,  இளவரசி மித்திராவும் காதல் கொள்கின்றார்கள்.  ஆனால் வில்லன் ரனதேவ் பில்லாவும் இளவரசியை அடைய ஆசைக் கொள்கிறான். இளவரசிக்காக நடக்கும் போட்டியில் பைரவன் ஜெயித்தாலும், இளவரசியை மணம் செய்துவைக்க மகாராஜ தயங்குகிறார்.

அந்த சமயத்தில் ஷேருக்கான் பெரும் படையுடன் வர அவனுடன்  சேர்ந்துக் கொள்கிறான் ரனதேவ். நாட்டையும், இளவரசியையும் காக்கும் பொறுப்பு காலபைரவனுக்கு வருகிறது. கால பைரவனான சிவனுக்கு பூஜை செய்யப் போகும் இளவரசியையும், பைரவனையும் அங்கேயே சந்திக்கின்றார்கள் ரனதேவும், ஹேருக்கானும்.

காலபைரவனின் பெருமையை கேள்விப்பட்ட ஹேருக்கான், காலபைரவனுக்கு தேர்வு வைக்கின்றான். காலபைரவன் அந்தப் போட்டியில் ஜெயித்தால் நாட்டை அவனே ஆண்டுகொள்ளலாமென தெரிவிக்கின்றான். போட்டியில் வெற்றிபெற்ற பைரவனை ராஜ்தேவ் தாக்க, அதனை தடுக்க முடியாமல் ஹேருக்கான் வருத்தம் கொள்கிறான். ரனதேவ் இறக்கும் தருவாயில் தனக்கு கிடைக்காத எதுவும் பிறருக்கும் கிடைக்கக் கூடாதென சொல்லி இளவரசியின் மீது கத்தியை வீசிவிடுகிறான். இளவரசி மலைமீதிருநது பள்ளத்தாக்கில் விழ, காலபைரவனும் அவளுடன் விழுந்து மரிக்கின்றான்.

நாட்டை ஆளுவதற்கு வாக்கு கொடுத்தும், தீய உடன்படிக்கையால் காலபைரவனுக்கு உதவ முடியாதை எண்ணி வருந்துகின்ற ஷேருக்கான், அடுத்த ஜென்மத்தில் பிறக்கச் சொல்லி கதருகிறான்.

மறு ஜென்மம்….

எதைப் பற்றியும் கவலைக் கொள்ளாத ஒரு பைக் ரேசர் நம் நாயகன் ஹர்சா(தேஜா). ஒரு சமயம் ஆட்டோவில் செல்லும் போது இந்துவின் (கஜால் அகர்வாலின்) ஸ்பரிசம் பட, முன்ஜென்ம ஞாபம் வருகிறது. இந்துயாரென அவளிடமே கேட்க, நாயகியை கண்டுபிடிக்க சின்னதொரு கண்ணாமூச்சி விளையாட்டு நடக்கிறது. நாயகியை கண்டுபிடிக்கும் சமயம் வில்லன் ரகுவீரின்(தேவி கில்) என்ட்ரி.

நாயகனும், வில்லனும் சந்திக்கும் காட்சிகளில் புறாக்கள் பறப்பது கொஞ்சம் வித்தியாசமான விசயம். இந்துவின் அப்பா ஹர்சாவின் காதலுக்கு சம்மதம் தர, ரகுவீர் அவரைக் கொன்றுவிட்டு பழியை ஹர்சாவின் மீது போடுகிறான். இந்துவும் அதை உண்மை என நம்பி வில்லன் ரகுவீருடன் சென்றுவிடுகிறாள்.

நாயகியை வில்லனிடமிருந்து காப்பாற்றி தங்களின் முன்ஜெம்ம பந்தத்தினை நாயகிக்கு உணர்த்தி அவளை கதாநாயகன் கைப்பிடிக்கும் விசயத்தை சொல்லவும் வேண்டுமா?.

பிடித்த காட்சி –

படத்திற்கு பலம் சேர்க்கும் விசயமே முன்ஜென்மக் கதைதான். காஜல் தேவதை போல காட்சியளிக்கின்றார். செட்டிங்குகளும், கிராபிக்சும் ஹாலிவுட்டிற்கு சலைக்கவில்லை. அரண்மனையும், அதன் மேலிருக்கும் இறக்கை வைத்த சிங்கமும் அருமை. அதிலும் அந்த சிவனின் சிலை கண்களிலேயே நிற்கின்றது.

பைரவன் நூறு பேரை தனி ஆளாக கொல்வான் என சொன்னதற்காக, ஷேருக்கான் நூறு பேரை அனுப்பி சோதிக்கும் காட்சியில் உட்சபட்ச ஹீரோயிசம்.

போட்டியின் போது புதர்குழியில் மாட்டிக்கொண்ட குதிரைகளைக் காப்பாற்ற காதலில் தோல்வி அடைந்தாலும் பரவாயில்லை என
பைரவன் முடிவெடுக்கும் காட்சியும், காதலுக்காக எதையும் விட்டுக்கொடுக்கலாம், நட்புக்காக காதலையும் விட்டுக்கொடுக்கலாம் என ஹர்சா சொல்லும் காட்சியும் பக்காவான சென்டிமென்ட்.

பாடல் தரவிரக்கம் –


இசைக்காக தேசிய விருது வாங்கிய மரகத மணி கீரவாணி (Maragatha Mani Keeravaani)யின் இசையில், தீபு, கீதாமாதுரி என பிரபலங்களின் குரலில் எல்லாப் பாடல்களும் ஹிட்.

பாடல்களை தரவிரக்கம் செய்ய இங்கு சொடுக்கவும்

படத்தின் முன்னோட்டம் –

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s