பிச்சை எடுக்கும் கதாநாயகிகள்

சென்னையின் வெயில் தாக்கம் எல்லோருக்கும் தெரிந்த ஒன்று. நன்பகல் நடுவெயிலில் ஒருவர் சட்டை கூட அணியாமல் தெருவில் கிடந்தால் ஒன்று அவர் “தண்ணியடித்த” குடிமகனாக இருக்க வேண்டும், இல்லை கைகால் இழந்த குடிமகனாக இருக்க வேண்டும். “குடி”மகனாக இருந்தால் கண்டுகொள்ள தேவையில்லை. சுரனை வந்தவுடன் எழுந்து போய்விடுவார்கள். இந்த ஊனமுற்ற நண்பர் என்ன செய்வார்.

வெகு அதிகமான நடுத்தர வர்க்கம் வந்து போகும் டிநகர் பேருந்து நிலையத்திலிருந்து மாம்பலம் ரயில் நிலையம் செல்லும் உஸ்மான் சாலையில் கைகால் இல்லாத இரண்டு பேரையாவது நீங்கள் பார்க்க முடியும். முதுகில் அடிக்கும் வெயிலுக்கு வியர்த்திருக்கும் உடலுடன், திரும்பி படுக்க கூட முடியாத அளவிற்கு ஊனப்பட்டு கிடக்கும் அவர்களுக்கு இங்கு உதவ ஏதேனும் அமைப்பு இருக்கிறதா.

உலகின் மிக நீளமான கடற்கறையா மெரினாவில் இன்னும் கொடூரம். ஒரு குரங்கு குட்டிக்கு பாவாடை சட்டை (பெண் மீது உள்ள அன்பு) போட்டு அங்கும் இங்கும் குதிக்க சொல்லிக் கொண்டிருக்க,. நான் அதை கவணித்துக் கொண்டிருந்தேன். நண்பன் சுட்டி காட்டிய இடத்தில் மிகவும் கூட்டம், அங்கு சென்றபின் தான் தெரிந்தது. இங்கே குரங்கு செய்வதை ஒரு சின்னப் பெண் செய்து கொண்டிருந்தது.

பொதுவாகவே நமக்குள் இருக்கும் கருணையை காசக்க வரும் இவர்கள். அதில் வெற்றி கண்டிருக்கின்றார்களா என தெரியவில்லை. சிட்டுக்குருவிகளுக்காகவும், தேனிக்களுக்காவும் இங்கே வருத்தம் கொள்ள ஆட்கள் உண்டு. விலங்குளின் தோலை உடையாக அணிய வேண்டாமென நிர்வாணமாய் நிற்கும் நடிகைகள் உண்டு. அழிந்து வருகிறது புலியென பிரச்சாரம் செய்யவே இங்கு ஏகப்பட்ட கோடிகளை செலவு செய்யும் நபர்கள் உள்ள நாட்டில்தான் இந்த கொடுமையும். புலிகளை பாதுகாக்க விழிப்புணர்வு செய்யும் நம் நண்பர்களுக்கு மனிதர்கள் கண்களில் தென்படவில்லை போலும்.

முன்பெல்லாம் சர்கசில் விலங்குகள் அதிகம் இருக்கும். அதையெல்லாம் தடுத்து அந்த விலங்குகளை பாதுகாத்த நண்பர்கள் அங்கு வேலைசெய்யும் நபர்களுக்கு ஏதேனும் செய்தார்களா என தெரியவில்லை. குழந்தைகள் மீதுதான் நமக்கு அனுதாபம் என சின்ன சின்ன பொருள் விற்க கூட ஒரு தூங்கமூஞ்சி குழந்தையை தோளில் இட்டுக்கொண்டு வந்து நிற்கின்றார்கள் பெண்கள். அந்தக் குழந்தைகளுக்கு ஏதோ மருந்து கொடுத்து இப்படி செய்கின்றார்கள் என வாரஇதழ் ஒன்றில் படித்தேன். ஓடிவிளையாடும் குழந்தைக்கு மருந்து கொடுத்து காசு பார்க்கும் கூட்டத்தை என்ன சொல்ல.

பெண்ணியவாதிகள் என்று பெருமைகொள்ளும் நண்பர்கள் இதற்கென தீர்வு காண முற்பட்டிருக்கின்றார்களா என தெரியவில்லை. குரங்கு பதிலாக குதித்து சாகசம் செய்யும் சிறுமிகளுக்கு எப்போது விடிவோ. குரங்கு, கரடி, யானை என வேடிக்கை காட்டும் விலங்குகளை வனவிலங்கு சரணாலயத்தில் விட்டுவிட்டு மனிதர்களைக் கொண்டே இங்கு வேடிக்கை காட்டி பிழைப்பு ஓடிக்கொண்டிருக்கின்றது.

ஊனமுற்றவர்களுக்காக மாற்றுதிறன் படைத்த பல தொழில்கள் வந்து கொண்டே இருக்கின்றன. கண் தெரியாதவர்கள் கூட சுயமாக புத்தகங்கள், பொருட்கள் விற்று பிழைப்பு நடுத்த, ஊனமில்லா சிறுமிகள் இங்கே குரங்காவதை உலகிற்கு சொல்லவே இக்கட்டுரை. இரண்டு ரூபாய் போடுவதும், இடுகை போடுவதும் மட்டும்தான் என்னால் முடிந்தது. இதை படிக்கும் அக்கரை உள்ள பதிவர்கள் தங்கள் வலைப்பூவிலும் இவர்களுக்காக குரல் கொடுப்பார்கள் என நினைக்கின்றேன். அப்படி செய்ய வேண்டும் என கேரிக்கையும் வைக்கின்றேன்.

2 comments on “பிச்சை எடுக்கும் கதாநாயகிகள்

  1. purushoth சொல்லுகின்றார்:

    anbu nabarae intha mathiri aalunga na neraiya pathu irukaen..ivanga yen vela senji sapdama ipadi kuzhanthaya kaati picha yedukanum….antha mathiri aalungala patha udanae kovam tha varum yenaku..irunthalam unga pathivu moolama ithuku oru teervu kedaicha snthosam tha…

    nandri nabarae…..

    • ஜெகதீஸ்வரன் சொல்லுகின்றார்:

      பாலியல் கட்டுரை என்றால் மட்டும் பல்லைக்காட்டிவரும் கூட்டத்திற்கு மத்தியில் தாங்கள் தனித்து இருப்பது மிகவும் வியப்பாக இருக்கிறது. சரியாக இடுகையிட்டு ஒருவருடம் கடந்த நிலையில் தாங்கள் கருத்தினை பகிர்ந்திருப்பது மிக்க மகிழ்ச்சி.

      நன்றி நண்பரே!.

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s