? – கன்னியாஸ்திரியின் கன்னிதன்மை

அவர்கள் வலியுறுத்தும் கொள்கைக்கும் அவர்-களது நடத்தைக்கும் இடையே மிகப்-பெரிய இடைவெளி நிலவுகிறது. எனக்குத் தெரிந்த பெரும்பாலான கன்னியாஸ்திரீகளும் பாதிரியார்களும் கள்ள உறவு வைத்திருந்-தார்கள் அல்லது மோசமான ஊழலில் ஈடுபட்டிருந்தனர்
– கன்னியாஸ்திரி ஜெஸ்மி.

லிட்டில் சூப்பர் ஸ்டார் சிம்பு நடிப்பில் வெளிவந்த கோவில் என்ற படத்தை பார்த்திருப்பீர்கள். அந்தப் படத்தில் கதாநாயகியின் தந்தை காதலுக்கு சம்மதம் தெரிவிக்க மறுத்து அந்தப் பெண்ணை கர்த்தரிடத்தில் கன்னியாஸ்திரியாக மாற்றிவிட முயற்சி செய்வார். படத்தில் கதாநாயகியை கதாநாயகன் காப்பிவிட்டாலும், நிஜத்தில் எத்தனை கன்னிகள் கன்னியாஸ்திரிகளாக விருப்பமின்றி மாற்றப்படிகின்றார்கள் என தெரியாது.

இந்து மதத்தில் இருக்கும் பிராமணர்களைப் போல எல்லா மதங்களிலும் அடக்கி ஆள முயலும் இனம் இருக்கத்தான் செய்கிறது. புனிதமான இடங்களில் இருந்தாலும் அதிகார வர்கம் என்பதால் கவலைகள் இல்லாமல் தவறுகளுக்கும் மேல் தவறுகள் செய்து கொண்டிருக்கின்றார்கள்.

புனிதம் –

ஆலயங்கள் கோவில்கள் என எல்லாவற்றிலும் கடவுள் இருக்கும் இடங்களாக நம்புகின்ற பாமர மக்கள் உள்ள சமூகம் இது. எந்தக் கடவுளை வணங்கினாலும் மற்ற மதங்களின் கடவுள்களையும் மதிக்கின்ற குணம் இங்கு அதிகம். வேளாங்கன்னி, சமயபுரம், நாகூர் என மதநல்லினக்கன பூமீயாக திகழ்வது தமிழகம். இந்துவாக இருந்தாலும் ஏசுவின் மீது தனிப்பிரியம் உள்ள மக்கள் ஏகப் பேரை நான் பார்த்திருக்கிறேன். கிருஷ்ண லீலையும் கருணாமூர்த்தி தொடரையும் பார்க்கும் கிராம மக்களுக்கு எந்தக் கோவிலும், கடவுளும் புனிதம் தான்.

கலையும் வேடம் –

மனித உடலில் ஏற்படும் வேதி-மாற்றங்-களால் உடல் இச்சை என்பது தவிர்க்க முடியாதது; மாற்றுப் பாலினத்தின் மீதான ஈர்ப்பு என்பது இயற்கையானது. அதனைத் தவிர்ப்பது இயலாதது. ஆனால், இதனைக் கடந்து மனதை ஆண்டவனுக்கு அர்ப்பணித்து இறைப்பணி செய்வோர் இவர்கள் என்றே மதபீடங்கள் மார்தட்டுகின்றன. என்றாலும் அவ்வப்போது மதப்பீடங்களில் திருச்சபை-களில் பாலியல் குற்றச்சாட்டுகள் எழுந்து மதக்கட்டுகளை அறுத்தெறிந்து வருகின்றன.

கன்னியாஸ்திரீ ஜெஸ்மி –

கேரளாவில் ஒரு கன்னியாஸ்திரீ “ஆமென் – ஒரு கன்னியாஸ்-திரியின் ஆத்ம கதை” என்ற நூல் பல உண்மைகளை உரைத்துவிட்டது. ஒரே மாதத்தில் மூன்று பதிப்புகளைக் கண்டுவிட்ட இந்த நூலை எழுதியவர் கன்னியாஸ்திரீ ஜெஸ்மி.

இவரது இயற்பெயர் மியாமி ரபேல். தனது 25ஆம் வயதில் காங்கரகேஷன் ஆஃப் மதர் ஆஃப் கார்னல் (CMC) என்னும் திருச்சபையில் இணைத்துக் கொண்ட ஜெஸ்மி, இங்கிலீஷ் இலக்கியத்தில் முனைவர் பட்டம் பெற்றவர். கல்லூரியில் விரிவுரையாளர், முதல்வர் எனப் பணியாற்றிய இவர் தமது 30 ஆண்டுகால கன்னியாஸ்திரீ வாழ்வில் தமக்கு நேர்ந்த பாலியல் வன்முறைகள் குறித்து இந்நூலில் எழுதியுள்ளார்.

மதச்சபைக்குள் –

புனித மடங்கள் எனச் சொல்லப்படும் மதச்சபைக்குள் நிகழ்ந்து வரும் பாலியல் எல்லை மீறல்களை விவரித்துள்ளார் கன்னியாஸ்திரீ ஜெஸ்மி. கன்னியாஸ்திரீ-களிடையே ஓரினச் சேர்க்கை தடைகளின்றி இருக்கிறது. கன்னியாஸ்திரீகள் பாதிரியார்-களுடனும் வெளியாட்களுடனும் பாலியல் உறவு வைத்திருப்பது தொடர்புடைய பல நிகழ்வுகள் நிகழ்ந்துள்ளன என்று கூறும் ஜெஸ்மி, பாதிரியார்கள் தன்மீது நிகழ்த்திய பாலியல் வன்புணர்ச்சியையும் கூறுகிறார்.

“நான் பெங்களூருக்குச் சென்றபோது வரவேற்க வந்த பாதிரியார் என்னை இறுக அணைத்து அதிர்ச்சி கொடுத்தார். அங்கு லால் பூங்காவுக்கு அழைத்துச் சென்று மரங்-களின் அடியில் அந்தரங்கமான நிலையில் அமர்ந்திருந்த ஜோடிகளைக் காண்பித்தார். பின்னர் உடல் ரீதியான காதலின் தேவை குறித்தும், பெண்களுடன் முறைகேடான உறவு வைத்-திருந்த பாதிரியார்கள் மற்றும் பிஷப்பு-களின் கதைகளையும் சொன்னார். பிறகு தனது படுக்கை அறைக்கு அழைத்துச் சென்று அவரது கட்டிலில் அமரவைத்து என்னை இறுக அணைத்தார். ஓர் ஆணை முழுமையாய் பார்த்திருக்கிறாயா எனக்கேட்டு விட்டு ஆடைகளைத் துறந்தார்” இதைத் தொடர்ந்து ஜெஸ்மி எழுதியுள்ள சில வரிகளை நாம் இங்கு எழுதமுடியாது.

ஓரினச்சேர்க்கையும் வன்புணர்வும் –

கன்னியாஸ்திரீகளின் மடத்தில் பல கன்னியாஸ்திரீகள் ஜோடியாகவே இருப்பார்-கள்; வேறு சிலரிடையே பாலியல் நடவடிக்-கைகள் இருந்தது என்று எழுதியுள்ள ஜெஸ்மி, சிஸ்டர் லிமி என் மீது ஈர்ப்பு கொள்ளத் தொடங்கினார். எனக்கு காதல் கடிதங்கள் எழுதினார். அதற்கு நான் பதில் எழுதவில்லை. சிஸ்டர் லிமி எனக்கு எதிராகத் திரும்பவே அவர் செல்வாக்கு மிக்கவர் என்பதால் வேறு வழியில்லாமல் அவரின் பாலியல் இச்சை-களுக்கு நான் சிலகாலம் பலியாக நேர்ந்தது என்று எழுதியுள்ளார்.

புனிதமானவர்கள் என்றும் இறைப்-பணியாளர்கள் எனவும் கூறப்படும் கிறித்துவ திருச்சபையின் பாதிரியார்கள் மற்றும் கன்னியாஸ்-திரீகள் மீதான ஜெஸ்மியின் இந்தக் குற்றச்-சாட்டுகளைக் கண்டு கேரள கிறித்துவ அமைப்பு-கள் அதிர்ச்சிக்குள்ளாகியுள்ளன. ஜெஸ்மியின் குற்றச்சாட்டுகளுக்கு சி.எம்.சி. அதிகாரபூர்வமான எந்தப் பதிலையும் இதுவரை கூறாமல் மவுனம் காக்கிறது. ஆனால் அதன் செய்தித் தொடர்பாளர் பாதிரியார் பால் தேலக்காட், ஜெஸ்மி எழுப்பியுள்ள பிரச்சினைகளை புறக்கணித்து-விட முடியாது. சர்ச்சும், சி.எம்.சியும் இதனைக் கருத்தில் கொள்ளவேண்டும். பாதிரியார்கள், கன்னியாஸ்திரிகளிடையேயான பாலியல் உறவுகள் உண்மையாக இருக்கலாம்; திருச்சபைகளில் ஆங்காங்கே இருக்கலாம் என்று கூறியுள்ளார்.

ஆணும் – பெண்ணும் இணைந்து வாழ்தல் என்பது உலகியல் இயல்பு. இதற்கு எதிராக புனிதத் தன்மையை கற்பித்து மதங்கள் செயல்படும்போது அதன்மீதான இயற்கையின் தாக்குதலே இதுபோன்ற குற்றச்சாட்டுகளாக எழுகின்றன. வரம்பு மீறி புனிதப்படுத்தி விட்டதன் காரணமாகவே இந்தத் தவறுகள் அரங்கேருகின்றன. கன்னீயாஸ்திரிகளுக்கும் பாதிரியார்களுக்கும் திருமணம் கூடாதென்ற முடிவை கிறித்துவர்கள் நீக்கினால் ஒருவேளை இந்த சம்பவங்கள் குறையலாம்.

நன்றி –

உண்மை இதழ்

மறுமொழியொன்றை இடுங்கள்

Fill in your details below or click an icon to log in:

WordPress.com Logo

You are commenting using your WordPress.com account. Log Out / மாற்று )

Twitter picture

You are commenting using your Twitter account. Log Out / மாற்று )

Facebook photo

You are commenting using your Facebook account. Log Out / மாற்று )

Google+ photo

You are commenting using your Google+ account. Log Out / மாற்று )

Connecting to %s